- Ráđđehusprográmma ulbmila, man mielde ILO álgoálbmogiid oktasašsoahpamuš 169 galgá ratifiserejuvvot, galgá dál ollašuhttit. Vuoigatvuohtaministeriija lea bivdán njukčamánu lohppii buot ministeriijain cealkámušaid ILO-soahpamušas, dadjá Wallin.

Riikkaidgaskasaš bargoorganisašuvnna ILO álgoálbmotsoahpamuša oktasašsoahpamuša ratifiseren lea Suomas  ádjánan guoktelogi jagi. Wallin ja Näkkäläjärvi gávnnaheaba goitge duhtavažžan, ahte sámi áššit leat ovdánan giittehahtti ládje ráđđehusa seastindeaddagiin fuolakeahttá.
- Anára girkosiidii huksejuvvon Sami kulturguovddáš Sajos lea váldon atnui ja rahppon álbmogii ođđajagimánus. Guhkes proseassa lea boahtán geahčái ja vuordit stuora movttain virggálaš rahpandoaluid cuoŋománu álgogeahčen, dadjá Näkkäläjärvi.
Okta ráđđehusprográmma máŋggain namuhemiin sámegielain ja bálvalusain lea oahpahus- ja kulturministeriija jođihemiin ráhkaduvvon evttohus sámegielaid ealáskahttinprográmman. Raporta gárvána lagašáiggiid.
Ráđđehusprográmmas lea biddjon ulbmilin čielggasmahttit lágaid, mat stivrejit eanangeavahusa nu ahte sámi vuoigatvuođat buoriduvvojit. Wallin ja Näkkäläjärvi ságastalaiga earenoamážit Eanodaga sámi boazodoalu diliin.
Rkp:a ja sápmelaččaid ovttasbargu lea lunddolaš máŋggaid ákkaid vuođul. Okta dehálepmosiin lea joatkevaš bargu iežas gielaid ja kultuvrraid nanu sajádaga seailluheami várás. RKP lea nannosit čatnasan ráđđehusprográmma sámi áššiid girjemiid ovddideapmái ja ollašuhttimii, dadjá Stefan Wallin.