Sámedikki lahttu evttohassan gieldaválggain Helssegis

Sámedikki stivrralahttu ja Meahciráđđehusa sámegielat dieđiheaddji Pentti Pieski álgá evttohassan gielddaválggaide Helssega RÁB (RKP) listtus.

Ohcejogas riegádan Pieski jođihii City-Sámit searvvi jagiin 2012-2016 ja lei mielde vuođđudeamen giellabeassi Máttabiegga Oarje-Pasilai ja su áigge searvvi lahttomearri šattai golmmageardásažžan.

– Mu mihttomearri lea bargat sámemánáid ja -nuoraid sámegiela dorvvasteami ovdii. Sámebearrašat dárbbašit servodaga doarjaga sámegielat árabajásgeassimis ja vuođđooahpahusas. Golbma njealjádasa vuollái 10-jahkásažžain ásset sámeguovllu olggobealde, mearkkašahtti oassi oaivegávpotguovllus, man sámedoaimmaid jođiha Helsset. Dál lea maŋimuš áigi dorvvastit sin vejolašvuođaid sámegiela oahppamii ja nana kulturidentitehtii, Pieski dadjá.

Jagiid 2009-2010 Pieski lei Ohcejoga gielddastivrra várrelahttu ja čuvgehuslávdegotti lahttun Ohcejoga sámiid listtus. Son ii leat árabut leamašan beroštuvvan Suoma politihkalaš bellodagain.

– Čuovodettiin RÁB doaimma eandaliige sámeáššiin, dovddan dan lagamužžan iežan árvvuide ja nuba mearridin vuolgit evttohassan sápmelaččaide buorre ovttasbargoguoimmi, máŋggakulturvuođa, -gielatvuođa ja unnitloguid áššiid ovddideaddji RÁB:a listui.

SFP i S:t Karins nominerade sex kommunalvalskandidater


Svenska folkpartiet i S:t Karins nominerade sex kandidater vid sitt styrelsemöte den 20.2.2017

Läs föregående artikel

SFP vill skapa nytt organ för fastighetsskötseln


SFP i Borgå vill reformera den politiska kontrollen över fastighetsskötseln i staden. Fullmäktigegruppen har inlämnat en fullmäktigemotion i frågan.

Läs följande artikel